Социјалните медиуми се дел од секојдневието на најмладите, но како тие ги доживуваат? Овој модул нуди увид во начинот на кој децата ги разбираат инфлуенсерите, како препознаваат автентична содржина и како дигиталниот свет влијае врз нивните вредности и однесување. Преку примери и дискусии, ќе се отвори простор за подобро разбирање на нивната перспектива.
Предавач: м-р Зорица Николова, психолог и психотерапевт
Дигиталниот маркетинг е повеќе од само реклами – тоа е вештина на комуникација, влијание и градење заедница. Овој модул истражува како инфлуенсерите можат да создадат автентични содржини што поврзуваат и инспирираат, додека истовремено разбираат како функционира таргетираниот маркетинг, брендовите и алгоритмите. Совршена можност да се откријат стратегиите зад успешните дигитални кампањи!
Предавач: проф. д-р Иван Чорбев
Во свет каде што информациите се насекаде, колку навистина знаеме да ги процениме? Овој модул се фокусира на тоа како да се разликуваат релевантни од погрешни информации, како функционираат медиумите и кои вештини се потребни за сигурно и свесно движење низ дигиталниот простор. Практични совети и реални примери ќе помогнат во градење критичко размислување.
Предавач: проф. д-р Јасна Бачовска Недиќ
Дигиталниот свет носи многу можности, но и предизвици – како да го искористиме најдоброто од него без да се изгубиме во него. Овој модул ќе помогне во пронаоѓање рамнотежа помеѓу онлајн активностите и реалниот живот, како и во препознавање на знаците на дигитален замор. Ќе бидат разгледани едноставни начини за подобро искуство на интернет и поздрава онлајн навика.
Предавач: проф. д-р Драгана Батиќ
Каде почнува интернет-насилството и како можеме да се заштитиме? Овој модул ги обработува најчестите форми на сајбер булинг, злоупотреба на лични податоци и онлајн вознемирување, како и начини за нивно спречување. Со практични примери и насоки, фокусот е ставен на создавање побезбеден и поддржувачки дигитален простор за сите.
Предавач: Сузана Аврамовска, педагог
